Orët e këshillimit të karrierës, maturantët të shtyrë nga tregu i punës

Maturantët janë bërë gati për të dhënë provimet e maturës. Në këtë fazë të tyre një vendim i vështirë është dhe ai për universitetin që duan të ndjekin. Ndaj në gjimnaze janë kryer konsulta dhe orët e këshillimit të karrierës.

Disa ende kanë pikëpyetje sa i përket orientimit akademik që duhet të zgjedhin.

“Kishin dyjëzimet, pritshmëritë e tyre janë realizuar deri diku…e filluan me një vrull vitin e kaluar të merrnin variantet që do ti conin drejt mjekësisë, por ka pasur dhe disa që nga ngarkesa, pesha e madhe që kanë orët, kanë kërkuar të bëjnë ndryshim të varienteve, ka patur dielma të ndryshme , sepse është një vendim shumë i madh ne një moshë akoma të vogël…”, tha Etleva Doka, mësuese e gjuhës shqipe dhe letërsisë.

Të orientuar nga tregu i punës, çfarë ai ofron dhe cilat janë profesionet që kërkohen më së shumti, disa e kanë bërë zgjedhjen e tyre.

“Unë kam zgjedhur inxhinieri, është sifudes, por me anë të dëshirës është e arritshme. dyëzimi ekziston, por nuk besoj se kam bërë gabim”, tha Andi Nikolli, maturant.

“Unë do të vazhdoj për arkitekturw, i përshtatet shijeve të mija. Duke qënë se jam kreative dhe në Shqipërinë e sotme mendoj se është një element që i duhet vendin tonë”, tha Eden Paskali, maturante.

Maturantët kanë kryer dhe testat parapërgatitore, që nga muaji janar i këtij vitit, duke marrë shembujt e viteve të kaluara, si dhe për tu mësuar me rregullat në ditën e tyre të rëndesishme.

“Zgjedhja ime është për drejtësi. sepse dua që të jap kontrubutin time në shqipëri për një shoqëri sa më të drejtë. jemi të stresuar kemi 3 vite që përgatitemi. frikën gjuhë letërsia është një lende subjektive sepse të tjerat janë shkenca me një përgjigje fikse”, tha Ines Mersini, maturante.

Provimi i Gjuhës së Huaj do të jetë më 3 qershor, Gjuha Shqipe dhe Letërsia do të jetë më 10 qershor, Matematika më 18 qershor, provimi me zgjedhje më 24 qershor. Ndërsa provimi Teori Profesionale e Integruar për Maturën Shtetërore Profesionale do të jetë më 24 qershor.