​Osmani kërkon përkrahjen e Malit të Zi për anëtarësimin e Kosovës në KiE

Presidentja e Kosovës Vjosa Osmani kërkoi mbështetjen e Malit të Zi për anëtarësimin e Kosovës në Këshillin e Evropës, si dhe në organizata ndërkombëtare në përgjithësi, gjatë një takimi me kryeministrin e Malit të Zi Dritan Abazoviç, të hënën.

Në takimin e mbajtur në kuadër të Samitit të Demokracisë së Evropës Juglindore në Mal të Zi, Osmani dhe kryeministri Abazoviç diskutuan për raportet bilaterale në mes të dy shteteve dhe mundësitë për avancimin e mëtejshëm të tyre.

Presidentja Osmani tha se Kosova e vlerëson dhe e përkrah bashkëpunimin me Malin e Zi në të gjitha fushat, duke theksuar edhe mundësinë për shkëmbim të përvojave për procesin e integrimit evropian.

Osmani dhe Abazoviç theksuan edhe një herë rëndësinë e bashkëpunimit në mes të vendeve të rajonit.

LEXONI GJITHASHTU:

• Osmani: Kosova e sheh NATO-n si garanci për siguri dhe paqe në rajon