Osmani: Shtetet arabe po bëjnë biznes me gjakun e Palestinës, s’kanë lëvizur gishtin

Eksperti i çështjeve ndërkombëtare, Kreshnik Osmani tha në “Now me Erla Mëhillin”, se të gjitha shtetet në politika ndërkombëtare ruajnë interesat e tyre. Me tone të ashpra Osmani tha se në këtë moment çdokush duhet të tregojë para një gjakderdhje të tillë nëse është kafshë apo njeri.

Ai tha se vendet arabe për herë të parë në histori nuk kanë lëvizur asnjë laps për të mbrojtur Palestinën.

“Bota sot është në kolaps dhe kjo ka nevojë për zgjidhje. Zgjidhja do të vijë nga një megakonjuturë e madhe. Prej vitit 1948 e deri më sot, në të gjitha betejat që ka patur Izraeli me Palestinën kanë ndërhyrë arabët, në ndihmë, në luftë, në ushtri. Është hera e parë që asnjë shtet mysliman nuk ka ndërhyrë, përveçse kanë bërë biznes me Palestinën. Erdogani e tha vetë “Për sa kohë Amerika do të mbështesë pa kushte Izraelin, ne nuk kemi çfarë t’i bëjmë Palestinës”, e tha në të njëjtën ditë kur tha kërcënohet Anadolli.

Këto historitë me deklarata në Palestinë, janë përralla me mbret për kolateral politik, për biznes politik, me gjak të pafajshmish. Është hera e parë në historinë e konfliktit palestinez që asnjë vende arab nuk ka lëvizur asnjë laps. Jo të lëvizë ushtar, por asnjë laps nuk ka lëvizur.

Të gjitha shtetet në politika ndërkombëtare ruajnë interesat e tyre. Ne tashmë jemi bërë qytetarë të botës, ku duhet të shprehim edhe sensin tonë human. Ne sot kemi të drejtë të dallohemi përtej llogarive të mia politike apo të tjetrit. Ne sot duhet të tregojmë nëse jemi njerëz apo jemi kafshë përballë një kasaphane të tillë”,-tha Osmani.

LEXONI GJITHASHTU:

• “Gjenocidi në Gaza, më i pashembullti në histori”, eksperti: U hodh bomba 2000 kg…
• Laçi: Pashë me sytë e mi fëmijën që iu drejtua arma në kokë! Ai buzëqeshi dhe…