Osmani uron Dimal Bashën si Kryetar të ri të Kuvendit, mirëpret qeverinë e re

Presidentja e Kosovës, Vjosa Osmani, ka uruar Kryetarin e posa zgjedhur të Kuvendit të Kosovës, Dimal Basha.

Ajo ka uruar gjithashtu edhe nënkryetarët e Kuvendit, duke thënë se Kuvendi duhet ta votoj edhe qeverinë e re të dalë nga vullneti i qytetarëve nga zgjedhjet e shkurtit.

“Presidentja mirëpret që procesi i konstituimit të Kuvendit ka filluar të zhbllokohet dhe shpreson që ky proces të përmbyllet sa më parë, në përputhje me kushtetutën. Ajo i uron punë të mbarë e në interes të vendit kryetarit të ri Dimal Basha dhe nënkryetarëve të zgjedhur të Kuvendit, znj.Albulena Haxhiu, Znj.Vlora Çitaku, z.Kujtim Shala dhe znj.Emilija Rexhepi.  Presidentja shpreson që sa më parë, e në përputhje me procedurat kushtetuese, Kuvendi të votojë edhe Qeverinë e re të dalë nga vullneti i qytetarëve nga zgjedhjet e 9 shkurtit.” -thuhet tutje në njoftim.

LEXONI GJITHASHTU:

• Komisioni Rregullator i hap rrugë dekretit të Presidentit, kur mblidhet Kuvendi i ri
• Pas kryetarit, zgjidhen edhe 3 nënkryetarët e Kuvendit të Kosovës