Pamjet e sherrit mes 2 familjeve në Durrës, si përfunduan te shkopat e bejsbollit

Një ngjarje e rëndë ka ndodhur këtë të diel në Hamallaj të Durrësit, një konflikt për motive pronësie ka degjeneruar në dhunë dhe të shtëna armësh mes dy familjeve Kaçi dhe Nikolla.

Nuk dihet ende nëse janë vetëm shkaqet e pronësisë apo ka pasur edhe shkaqeje të tjera të cilat sollën konfliktin mes dy familjeve.

Mes personave të përfshirë ka qenë edhe një punonjës i gardës Martin Nikolla, i cili është  shoferi i kryetares së kuvendit Lindita Nikolla.

Punonjësi i gardës është shkarkuar menjëherë nga detyra nga ministri i brendshëm Taulant Balla.

Policia ka bërë të mundur shoqërimin e të gjithë personave të përfshirë nëkonflikt. Sipas dëshmive të dhëna para grupit hetimor, kryefamiljari Pjetër Kaçi ka qenë duke ecur kur vëllezërit Nikolla i kanë zënë rrugën, pasi ka shkuar në shtëpi 80-vjeçari u ka treguar djemve se çfarë kishte ndodhur e këta të fundit të pajsur me mjete të forta, shkopa bejsbolli dhe leva hekuri janë përplasur me vëllezërit Nikolla.

LEXONI GJITHASHTU:

• Basha mund me mbi 16 mijë vota Hanin, Sefa: S’u ndalua njeri të kandidonte
• Burri vrau gruan e më pas veten| Ngjarja e rëndë në Maliq, Balla niset drejt Korçës