Pamjet/ Ulja tronditëse në mes të plazhit në Himarë, procedohet parashutisti

Këto janë pamjet kur një 28-vjeçar nga Tirana ka bërë një ulje të rrezikshme me parashutë në plazhin e Potamit në Himarë.

Parashutisti është ulur në mes të pushuesve, mbi rërë, dhe është dëmtuar për shkak të problemeve gjatë uljes.

Policia e Himarës ka referuar materialet në Prokurori për 28-vjeçarin, i cili fatmirësisht ndodhet jashtë rrezikut për jetën.

Njoftimi i Policisë:

“Specialistët për Hetimin e Krimeve në Komisariatin e Policisë Himarë referuan materiale në Prokurori, pasi ditën e djeshme, në vendin e quajtur ‘Potam’, Himarë, është dëmtuar aksidentalisht gjatë hedhjes me parashutë shtetasi Xh. I., 28 vjeç, banues në Tiranë, i cili ndodhet në spital, jashtë rrezikut për jetën”, thuhet në njoftimin zyrtar.

Fushata për Vullnet Sinaj, për pak përfundon tragjedi

Pas një takimi që Vullnet Sinaj pati në Himarë me simpatizantë të PS, grupi i punës kërkoi të jepte shfaqje me parashutë, e cila për pak mund të kthehej në tragjedi

Në parashutën që mbante emrin e deputetit Vullent Sinaj pic.twitter.com/xsE9z1tptq

— Euronews Albania (@EuronewsAlbania) May 5, 2025

LEXONI GJITHASHTU:

• SPAK kalon për gjykim dosjen e dytë të ish-kryebashkiakut të Himarës, Jorgo Goro
• Urdhër arresti nga Barcelona për shtëpi bari në Spanjë, kapet 28-vjeçari në Shkodër