Pandemia, Basha: Rama po i kushton Shqipërisë jetë njerëzish, këtë javë i dha 800 mln lekë inceneratorit të Elbasanit

Kryetari i Partisë Demoraktike, Lulzim Basha ka zhvilluar mesditën e sotme një takim me qytetarët e Lushnjës. Basha në fjalën e tij është ndaluar tek situata e COVID-19 në Shqipëri, ku theksoi se për shkak të keqmenaxhimit kanë humbur jetën shumë pacientë të infektuar. 

“Premtoi shëndetësi falas. Sot u krahasua me Gjermaninë dhe Francën. E para jep 24%, e dyta 23% të PBB-së për krizë, ndërsa Shqipëria 0,89%.  Sipas FMN-së më pak se 1% ka dhënë për ndihma për shqiptarët në këtë kohë pandemie.

Imagjinoni sa pensionistë mund të ndihmonte me atë çek prej 20 mijë lekë në muaj për pensionistët. Duhet të rimbursonte paketën e ilaçeve të COVID. Imagjinoni se çfarë do të bënte nëse paratë e do i çonte për spitalet.  Rama po i kushton Shqipërisë jetë njerëzish.

Pasi shkatërroi ekonominë po shkatërron jetët dhe shëndetin e shqiptarëve dhe kjo vetëm e vetëm për të mbrojtur aferat e tij korruptive.”, u shpreh Basha. 

Shefi i opozitës tha se qeveria në vend që të ndihmojë qytetarët në kohë pandemie, paratë e taksave të tyre i çon për një grusht miqsh të kryeministrit dhe solli shembullin e inceneratorëeve ku sipas tij vetëm dy ditë më parë plot 800 milion kanë shkuar për inceneratorin e Elbasanit.

“Edhe këtë javë 800 milionë lek të taksave tuaja, banorëve më të varfër të Ballkanit ia ka dhënë inceneratorit të Elbasanit”,  tha Basha. 

“Edi Rama po i kushton Shqipërisë jetë njerëzish. Pasi shkatërroi ekonominë po shkatërron jetët dhe shëndetin e shqiptarëve dhe kjo vetëm e vetëm për të mbrojtur aferat e tij korruptive. Vetëm e vetëm për të vazhduar edhe në kohë pandemie vjedhjen e parave të qytetarëve.”, u shpreh kryedemokrati më tej.