Partizani jashtë Champions, e penalizojnë gabimet. Sot zbret në fushë Ballkani

Bate Borisov ishte një mision i pamundur për kampionët e Shqipërisë të cilët janë eleminuar nga Champions League, ndërsa janë mposhtur me rezultatin 2-0. Pa tifozë dhe në një fushë asnjëanëse, skuadrat nuk patën shumë diferencë me njëra-tjetrën, por eksperienca e bjellorusëve bëri që ta zgjidhnin ndeshjen në vetëm dy dalje drejt sulmit. Ashtu si 1 javë më parë në “Air Albania”, Bate u tregua pragmatiste, duke kaluar në avantazh me Malkeviç në minutën e 71’.

Pavarësisht rasteve të shumta të krijuara, sulmuesit e skuadrës shqiptare u treguan të pasaktë, ndërsa ishte Shestjuk ai i cili vrau shpresat në minutën e 12 të shtesës duke vulosur fitoren 2-0. Bate në raundin e dytë do të përballet me Aris Limassol, ndërsa Partizani do të jetë pjesë e Conference League, aty ku e presin andorrianët e Club d’ Escalades.

Të martën disfatë pësoi dhe Struga, e cila u mposht në shtëpi nga Zalgiris me rezultatin 1-2, edhe pse kaluan në avantazh të parët, të besuarit e Shpëtim Duros e patën të pamndur të mbrojnë rezultatin. Në mbrëmje në fushë zbret Ballkani, në transfertën ngaj Ludogorets. Përballja e luajtur në Kosovë u mbyll me avantazhin 2-0 të klubit nga Suhareka, por që nuk përjashtohen surprizat në Bullgari.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Kampionati i Kategorisë së Parë vjen me ndryshime, formati për edicionin 2023-2024
• Ish-ylli i Cityt firmos me klubin e ri pasi u shpall i pafajshëm për përdhunim