Partizani mposht Vllazninë, të kuqtë shënojnë “poker” golash, fitorja e 6 radhazi

6 fitore në 6 javët e fundit e bëjnë Partizanin skuadrën me ecurinë më të mirë në Superligën Shqiptare, ndërsa mbrëmjen e së hënës triumfoi ndaj Vllazninsë.

Sfida e luajtur në arenën e demave u dominua plotësisht nga të besuarit e Arbër Abilaliaj, të cilët në asnjë moment nuk e vendosën në dyshim fitoren.

Goli i parë i përballjes do të vinte në minutën e 21’ me autor Arinaldo Rrapaj, ndërsa një supergol i Bekim Balajt riktheu ekuilibrat. Shkodrani realizoi me një gjuajtje nga distance, e cila vleu më tepër në aspekt personal, pasi në vijim shkodranët lëshuan terren.

Preka e Mehmeti shënuan për të mbyllur pjesën e parë në shifrat 3-1. Në fraksionin e dytë miqtë provuan të reagojnë, por e patën të pamundur pasi Maguette realizoi një tjetër gol të bukur për demat, duke vrarë përfundimisht shpresat e Vllaznisë.

Kjo ishte fitorja e 6 radhazi për Partizanin, i cili po shkëlqen nën drejtimin e drejtorit sportiv Arbër Abilaliaj. Në anën tjetër, kjo ishte humbja e parë për teknikun Qatip Osmani, teksa debutimin e bëri në barazimin ndaj Erzenit.

LEXONI GJITHASHTU:

• 11.750 mamografi në një muaj/ Në 15% të rasteve është evidentuar formacion jo normal
• “Kemi përgjuar subjektet”/ Fredi Beleri debat me kryepolicin e Himarës në gjyq