Pas bombardimeve vjen dëbora, ukrainasit luftë për mbijetesë

Reshjet e para të dëborës këtë dimër kanë vështirësuar më tej sfidat me të cilat përballet Ukraina. Qytete të ndryshme në mbarë vendin po përpiqen të ruajnë furnizimet me energji dhe ujë të pijshëm.

Situata është veçanërisht e vështirë në Khersonin e sapoçliruar. Ushqimi dhe medikamentet po vijnë, por kërkesa po rritet teksa njerëzit po kthehen. BE deklaron se do të rrisë mbështetjen.

“Dimri është këtu dhe është prioriteti ynë të diskutojmë ndihmat humanitare. Ne i kemi nisur këto diskutime muaj më parë dhe tani sfidat po bëhen edhe më të vështira pas shkatërrimit sistematik të infrastrukturës ukrainase si pasojë e sulmeve të Rusisë”, tha Janez Lenarčič, komisioner i BE për Menaxhimin e Krizave.

Por detyra për rikthimin e energjisë në Kherson dhe qytete të tjera është e vështirë dhe e rrezikshme, pasi Rusia ka minuar zonat përreth infrastrukturës kritike.

Në ditët pasi Khersoni u rimor nën kontroll, në rrugët e tij u panë skena euforike, të cilat tani ia kanë lënë vendin realitetit të ashpër të mbijetesës.

LEXONI GJITHASHTU

• Sa shanse ka të fitojë Ukraina luftën?
• Lufta në Ukrainë, SHBA do sjellë në Evropë armë bërthamore
• Lufta në Ukrainë, amerikanët vendosin sanksione të reja ndaj rusëve