PD ankimon në KAS vendimin e KQZ për mosregjistrimin në zgjedhje

Partia Demokratike e Shqipërisë ka depozituar në Komisioni i Ankimit dhe Sanksioneve ankimin kundër vendimit të sotëm të KQZ që vendosi mosregjistrimin e PD në zgjedhje.

Objekti i ankimit i dorëzuar nga përfaqësuesi ligjor i PD, Indrit Sefa ka si objekt:

“Shfuqizimi i vendimit nr.172, datë 14.03.2023 të Komisionerit Shtetëror të Zgjedhjeve “Për shqyrtimin e kërkesës së “Partia Demokratike” për regjistrimin si subjekt zgjedhor për zgjedhjet për organet e qeverisë vendore të datës 14.05.2023”.

Regjistrimit si subjekt zgjedhor të “Partisë Demokratike të Shqipërisë sipas kërkesës nr. 27, datë 05.03.2023 dhe dokumentacionit shoqërues të saj, dhe të protokolluar në KQZ në datën 06.03.2023 me Nr.1337 Prot të paraqitur në emër të Partisë Demokratike nga përfaqësuesi z. Indrit Sefa”.

Komisioneri Shtetëror për Zgjedhjet, Ilirjan Celibashi, në mbledhjen e sotme të KQZ-së mori vendimin që PD nuk mund të regjistrohet në zgjedhjet vendore të 14 majit.

Sipas Celibashit, legjitimitetin për të kërkuar legjitimitetin për regjistrimin e PD në zgjedhje e ka Lulzim Basha, i cili ligjërisht figuron kryetar, edhe pse ka dhënë publikisht dorëheqjen.

LEXONI GJITHASHTU:

• Daci: Celibashi profesionist i mirë, PD do regjistrohet në zgjedhje
• PD nuk regjistrohet, përfaqësuesi i Berishës: Vula është në dorën e anëtarësisë