PD nuk regjistrohet, përfaqësuesi i Berishës: Vula është në dorën e anëtarësisë

Përfaqësuesi i Sali Berishës në KQZ, Ledio Nuraj deklaroi se vula dhe simbolet e Partisë Demokratike janë në dorën e anëtarësisë.

Pas vendimit të Komisionerit Shtetëror për Zgjedhjet, Ilirjan Celibashi për mos regjistrimin e PD në zgjedhjet e 14 majit, Nurja u shpreh se anëtaësia ka zgjedhur Berishën si kryetar dhe shtoi se vendimi do të ankimohet në KAS.

“Duhet të ndërgjegjësohemi, siç u pa edhe sot, vula nuk ka kaluar ashtu siç është munduar të paraqesë propaganda e qeverisë deri më tani. Vula, simbolet dhe PD është në dorën e  anëtarësisë dhe atje ku është anëtarësia.

PD e vërtetë, është ajo PD ku aderon anëtarësia e saj prej 32 vitesh, me kryetar Sali Berishën. Ne kemi kërkuar të zbardhet sa më shpejt vendimi i sotëm, për të cilën do të ushtrojmë të drejtën ankimore, në KAS dhe më tej nëse është e mundur”, theksoi ai.

LEXONI GJITHASHTU

• KQZ vendos mosregjistrimin e PD në zgjedhje, reagon Enkelejd Alibeaj
• Nuk regjistroi PD-në në zgjedhje, Celibashi: 3 ditë kohë për ankim në KAS
• PD jashtë zgjedhjeve lokale, Bardhi: U shkel rëndë ligji! Ja çfarë do të bëjmë