“PD bashkohet nëse largohet Berisha”, Deda flet për situatën në partinë e djathtë

Ish-funksionari i Partisë Demokratike Prel Deda ka komentuar situatën në PD, ku është shprehur se vendimet e kësaj force politike tashmë nuk po përfillen më nga Sali Berisha.

Në një intervistë për Euronews Albania, ai nënvizoi se PD përfundimisht është e ndarë ndërsa nënvizoi se i vetmi nder që Berisha mund t’i bëjë Shqipërisë është të japë dorëheqjen.

“Grupi parlamentar krijohet në varësi të kryesisë. Që me vendimin e largimit të Bashës, u dha vendimi që zgjedhjet të bëhen pas zgjedhjeve të pushtetit lokal. Ky vendim u mor për shkak të hapësirës kohore. Foltorja nuk pati asnjë ulje në bisedime për të gjitha propozimet që u bënë. Vendimet e PD-së nuk u përfillën fare nga Berisha; ai ka partinë e vet. PD përfundimisht është e ndarë mbi politikën. Bashkimi është me anëtarët e PD dhe jo me Berishën. Njerëzit nuk duan as PS dhe as Berishën; ata janë e shkuara. I vetmi nder që Berisha mund  t’i bëjë Shqipërisë është dorëheqja. Besoj se PD-së do i bashkohen shumë personalitete dhe të rinj”- theksoi ai.

LEXONI GJITHASHTU: 

• Policia mbyll operacionin në MEK, muxhahedinët në protestë
• “Përmirësoni kushtet të mos ikin”- Studentët e mjekësisë kundër draftit të qeverisë