PD denoncon në SPAK, kryetaren e bashkisë së Roskovecit Majlinda Bufi

Partia Demokratike e përfaqësuar nga Flamur Noka  ka dorëzuar këtë të martë një kallëzim penal ndaj kryebashkiakes së Rsokovecit Majlinda Bufi.

Denoncimi është bërë me akuzën e “shpërdorimit të detyrës” si dhe për “kanosje apo dhunim ndaj pjesëmarrësve në zgjedhje”.

“Majlinda Bufi, me veprime aktive dhe me dashje direkte, rezulton se gjatë fushatës zgjedhore për zgjedhjet  vendore të 14 Majit 2023 ka kryer personalisht disa shkelje të rënda të Kodit Zgjedhor dhe Kodit Penal, si kërcënime, presione dhe shantazhe ndaj punonjësve të administratës publike për t’i penguar ata të votojnë lirisht”,-thuhet në kërkesën e Partisë Demokratike drejtuar Prokurorisë.

LEXONI GJITHASHTU:

• Pse s’është Berati tek Boshti i Jugut? Demo: Nuk flas për projekte imagjinare…
• Familja Kelmendi probleme me pasaportat? Autorja e këngës mohon lajmin