PD e Berishës përshkallëzon akuzat: Si Rama po i bën fresk Alibeajt

Sekretari i PD-së për çështjet zgjedhore Ivi Kaso është shprehur se kryeministri Edi Rama po i bën fresk Enkelejd Alibeajt.

I ftuar në emisionin “Now” në Euronews Albania, Kaso theksoi se mes Alibeajt dhe mazhorancës ka bashkëpunim të vazhdueshëm dhe sipas tij kjo është në funksion të kësaj të fundit.

“Rama jo vetëm që i bën fresk Alibeajt por del dhe i jep dhe urdhra kryetares së Kuvendit. Ka bashkëpunim të vazhdueshëm  dhe është vitale për këtë mazhorancë që grupin parlamentar të PS ta mbajë me kryetarë të emëruar. Kushdo që fërkon barkun nga kjo situatë që thonë sa i fortë Rama ose mazhoranca, sa mirë ua bën këtyre që janë të përçarë, të jetë i sigurt që po sponsorizon eksperimentin më të dëmshëm dhe më të turpshëm në demokraci”- tha ai.

LEXONI GJITHASHTU: 

• Gazetari irritohet me trajnerin Colella: Qesh pas çdo humbjeje
• “PS do të na përçajë”, kundërpërgjigjet Plarent Ndreca: Opozitë nihiliste
• Ish-deputetja afgane qëllohet për vdekje në shtëpinë e saj në Kabul