PD e ndarë për 33-vjetorin e themelimit, Bamir Topi i bashkohet festës së Bashës

Dita e sotme shënon 33 vjetorin e themelimit të Partisë Demokratike të Shqipërisë.

Ky përvjetor e ka gjetur të përçarë këtë forcë politike, ku dy grupimet, ai i kryesuar nga Lulzim Basha dhe ai i kryesuar nga ish-kryeministri Sali Berisha, do të fëstojnë të ndarë.

Lulzim Basha ka zgjedhur që bashkë me grupin e tij ta festojë në Pallatin e Kongreseve përvjetorin e themelimit të PD, ndërsa Berisha me mbështetësit e vetë në Hotel Tirana Internacional (i njohur si 15-katëshi), në orën 18:30.

Ajo që ka rënë në sy, është pjesëmarrja e ish-presidentit Bamir Topi në Pallatin e Kongreseve, aty ku do të zhvillojë Basha ceremoninë përkujtimore.

Topi gjatë kohëve të fundit ka qenë i distancuar nga zhvillimet në PD, duke shfaqur shpesh kritika për mënyrën e drejtimit të kësaj force politike.

Kujtojmë se PD është partia e parë opozitare e themeluar në Shqipëri, pas rënies së regjimit komunist.

LEXONI GJITHASHTU:

• VIDEO| “Mos më prek me dorë”, deputeti i PD-së përplaset me gardistin
• Deklarata e fortë e Gjergj Hanit: PD, krime ndaj ish-pronarëve dhe të përndjekurve