PD kërkesë në KQZ për regjistrimin në zgjedhje, zbardhet shkresa

Kryetari i Partië Demokratike Sali Berisha ka dorëzuar këtë të mërkurë në KQZ shkresën me kërkesën për regjistrimin e këtij subjekti politik për zgjedhjet e 11 majit.

“Unë z.Sali Berisha në cilësinë e kryetarit të Partisë Demokratike të Shqipërisë si dhe në mbështetje të nenit 64 të Kodit Zgjedhor, paraqes kërkesën për t’u regjistruar si Subjekt Zgjedhor, në Zgjedhjet për Kuvend”,-thuhet në shkresën e drejtuar Komisionit Qendror Zgjedhor.

Në këto zgjedhje Sali Berisha futet për herë të parë si kryetar i Partisë Demokratike që prej 2013, kur ai dha dorëheqjen si kryetar i partisë pasi humbi zgjedhjet.

Kujtojmë se në zgjedhjet lokale të mbajtura në maj të vitit 2023, Sali Berisha është futur në zgjedhje me koalicionin “Bashkë Fitojmë”, pasi ishte u përjashtua nga Partia Demokratike. Në këtë koalicion morën pjesë disa deputetë demokrat, Partia e Lirisë me kryetar Ilir Metën dhe Partia Demokristiane e Shqipërisë me kryetar Nard Ndokën.

Gjithashtu në zgjedhjet lokale të 14 majit, Partia Demokratike u fut në zgjedhje nën drejtimin e Enkelejd Alibeaj.

LEXONI GJITHASHTU:

• Vendimi i Gjykatës së Lartë për “vulën”, reagon Partia Demokratike
• Rama kritikon arrestimin pa gjyq të Veliajt: “Ky nuk është proces demokratik”