PD kërkon seancë të jashtëzakonshme në Kuvend për mandatin e Olta Xhaçkës

Grupi Parlamentar i PD i ka drejtuar një letër kryetares së Kuvendit Elisa Spiropalit ku i kërkon thirrjen e Kuvendit në sesion të jashtëzakonshëm. Arsyeja e kësaj kërkesë është rishikimi i mandatit të deputetes Olta Xhaçka.

“Të zbatohet menjëherë vendimi i Gjykatës Kushtetuese për mandatin e Olta Xhaçkës, po i jepet mbrojtje nga drejtësia një bashkëpunëtori të Edi Ramës”,-thuhet në kërkesën e grupit parlamentar të PD-së.

Disa ditë më parë, bazuar në një kërkesë të deputetëve të opozitës, Gjykata Kushtetuese u shpreh se Kuvendi nuk ka respektuar vendimmarrjen e mëparshme të Gjykatës Kushtetuese, në kundërshtim me detyrimin kushtetues që buron nga neni 132 i Kushtetutës.

Sipas Partisë Demokratike ky refuzim i Kuvendit për zbatimin e vendimit të Gjykatës ka çuar në krijimin e një krize kushtetuese që cenon themelet e shtetit demokratik dhe humb besimin e publikut te shteti dhe organet e tij, si dhe vë diskutim edhe vetë rolin dhe funksionin e Gjykatës.

LEXONI GJITHASHTU:

• “E prekur”-Spiropali flet për herë të parë si kryetare e Kuvendit, lëvdata Nikollës
• Me 75 vota pro, Elisa Spiropali zgjidhet kryetare e Kuvendit të Shqipërisë