PD Vlorë “përvesh mëngët” mbledh kryesinë, zbardhen emrat e kandidatëve për bashkinë

Në selinë e Partisë Demokratike, dega në Vlorë, u mblodh mbrëmjen e së premtes kryesia nën drejtimin e deputetit Bujar Leskaj njëkohësisht dhe drejtuesi politik i Vlorës, me qëllim përgatitjen e procesit përzgjedhës të kandidatit për kryetar bashkie në zgjedhjet e pjesshme në Vlorë në 9 Nëntor.

Sipas burimeve të Euroneës Albania procesi i konsultimeve po vijon jo vetëm në forumet e degës, por edhe nëpër rajone të ndryshme të qytetit dhe qarkut. Disa prej emrave që po konsiderohen si kandidatë potencialë janë:

1. Eralba Kreshpa
2. Alta Azizi Haluci
3. Atird Hoxha
4. Genti Hamzaraj
5. Rezembrik Serjani

Sipas burimeve nga brenda PD-së, kandidati që mban favorin më të madh në këtë fazë është Atird Hoxha, i cili më parë ka marrë pjesë në garë për deputet dhe që sipas analizave të brendshme ka mbështetje të konsiderueshme, megjithëse humbi mandatin me votat e diasporës.

Në ditët që vijnë pritet të vazhdojnë takimet dhe konsultimet brenda strukturave partiake, në rajone e zona të ndryshme, për të përcaktuar kandidaturën finale që do të prezantohet në kryesi. Pas kësaj, pesë emrat kryesore do t’i propozohet kryesisë së PD-së, e cila do të zgjedhë kandidatin zyrtar që do përfaqësojë demokratët në garën për kryetar bashkie të Vlorës.

Sipas planit të brendshëm, rreth orës 12:00 përfaqësues zyrtarë të PD Vlorë pritet të bëjnë një prononcim për mediat ku do të informojnë publikun për zhvillimet e fundit dhe skenarin e përzgjedhjes që pritet të ndiqet.

Deri tania Partia Demokratike nuk ka asnjë emër zyrtar për kandidatët në 6 vakancat e krijuara për zgjedhjet lokale, ndërkohë socialistët kanë zyrtarizuan emrin e Ogerta Manastirliut për Tiranën dhe Altin Bojnin për bashkinë e Matit.

LEXONI GJITHASHTU: 

• Kandidat i opozitës për bashkinë Vlorë, përgjigjet Hoxha për garën e 9 Nëntorit
• EMRAT/ Zbardhen drejtuesit politik të njësive në Tiranë për zgjedhjet e parakohshme