6 muaj leje lindje për të dy prindërit. Është kjo masa më e re e njoftuar në Francë nga Presidenti Emmanuel Macron këtë të mërkurë, në kohën kur Instituti Kombëtar i Statistikave në një bilanc të bërë pasqyroi rënien e lindshmërisë.
Eris Dhamo, pedagoge e shkencave sociale tha në emisionin GoodMorning Albanians në Euronews Albania se burrat shqiptarë, edhe pse me kod punë u takon leja e lindjes nuk e marrin për arsye ekonomike dhe kulturore.
“Është i pari faktori kulturor dhe i pamundësisë, ata baballarë që kanë zgjedhur lejen e lindjes i përkasin atyre familjeve ku nëna punon në një biznes privat dhe duhet të ruajë vendin e punë ose kur ka biznesin e vet dhe e ka të sigurt vendin e punës pasi ka biznesin e vet. Është një e drejtë, që tashmë në Francë është e sanksionuar me ligj”, tha ajo.
LEXONI GJITHASHTU:
- Franca do japë 6 muaj leje lindjeje për secilin nga prindërit
- Gazetari që mori leje lindje: S’e kisha ditur më parë, ishte e lehtë…