Pedagogu i artit: PD të dalë me plan madhor për kulturën, jo me ligje të porositura

Pedagogu i artit, Ardian Isufi thotë se Partia Demokratike duhet të paraqesë një plan madhor për kulturën, duke iu referuar nismës së fundit të kësaj force politike për dekomunistizimin.

Në emisionin “Now” në “Euronews Albania”, ai u shpreh sfida e shoqërisë shqiptare është që ta bëjë sot artin bashëkohor.

“Nuk duhet ta marrim vetëm si një çështje kulturore. Një politikë e moderuar që jeton në post modernizëm, duhej patjetër të reflektonte në një qasje komplet të re. Jo në një qasje, po bëjmë si antikomunist dhe po marrim nuancat e komunistëve të asaj kohe. Koncepti i kohimit, nuk sjell asgjë. Nuk ka më interes nga publiku, sepse është totalisht e tejkaluar.

Partia Demokratike dhe opozita të dalë me plan madhor për kulturën. Unë e shoh siç janë ligjet e porositura, si të porositur nga institucione që marrin projekte dhe bëjnë sikur bëjnë ndonjë gjë të madhe. Sfida e shoqërisë shqiptare është ta bëjë artin bashkëkohor”, theksoi ai.

Grupi Parlamentar i Partisë Demokratike ka dorëzuar në Kuvend një projektligj në kuadër të nismës për dekomunistizimin.

Qëllimi i projektligjit, është që filmat, dokumentarët, këngët, programet televizive apo edhe momentet e ndryshme që kujtojnë e glorifikojnë sistemin komunist të ndalohen në vend.

LEXONI GJITHASHTU

• ‘Të ndalohen filmat shqiptarë të diktaturës’, nisma e PD për dekomunistizimin
• PD 3 nisma për dekomunistizimin, çfarë pritet këtë sesion parlamentar
• Peticion për dekomunistizimin, Godole: Duhen 20 mijë firma