Pengu i Bujar Kapexhiut: Si nuk e takova dot Mirush Kabashin

Aktori i madh Mirush Kabashi u nda nga jeta një ditë më parë në moshën 75-vjeçare. Aktor i rreth 100 roleve në teatër dhe filma, Mirush Kabashi që prej vitit 2014 mbante titullin e lartë “Nderi i Kombit”.

Miqtë e tij, Bujar Kapexhiu dhe regjisori Ilir Harxhi ndanë në emisionin GoodMorning Albanians në Euroneës Abania kujtimet me aktorin e madh.

Kapexhiu u shpreh se Mirush Kabashi ishte njëri që punonte shumë dhe do të mbetet në memorie si simbol i punës. Ai tregoi se kontakti i fundit me të ka qenë një telefonatë dhe se nuk ka mundur ta takojë.

“Ai merrte pjesë në filma, në skenë, në teatër me interpretime po aq origjinale, por ai i shtoi vetes recitimin. Sot ka pak aktorë që recitojnë. Mirushi e bënte në mënyrë të përkryer dhe të përditshme, nuk ngurronte kurrë kur e ftonin në aktivitete të ndryshme të recitonte. Hera e fundit ka qenë vetëm një telefonate, ai ndjehej optimist, se do bëhej më mirë. I thashë në telefon që do takohemi që të dhuroj librin me karikatura, ku ishte edhe ai, por ai iku dhe më vjen keq që nuk u takuam dhe ai nuk e pa atë libër”, tha Kapexhiu.

LEXONI GJITHASHTU:

• “Nga Sazani në Vlorë Mirush Kabashi e bënte me not” – Emocionohet miku i tij, Harxhi
• Ndarja nga jeta e Mirush Kabashit, Albin Kurti letër familjes së tij: Dha gjithçka!