“Për në Shqipëri, Karl!” një roman ndryshe mbi historinë e vendit tonë

Pranë Universitetit Europian u promovua libri “Për në Shqipëri, Karl!” i shqipëruar nga Armand Plaka.

‘’Për në Shqipëri, Karl!  është titulli origjinal i romanit të autorit Peter Marxheimer, botuar së pari në Gjermani në vitin 2007 dhe shqipëruar ne 2020 nga Armand Plaka.

Marxheimer ka zgjedhur një mënyrë tjetër për të treguar historitë e vitit 1914 në Shqipëri.

Libri është më shumë një roman historik rreth ngjarjeve që zhvillohet në vendin tonë në prag L. I. Botërore, Por, autori, me shumë mjeshtëri vendos në qendër të tij udhëtimin e një gazetari gjerman, të cilin e lidh me ngjarje dhe persona realë, protagonistë të zhvillimeve historike të kohës.

Vepra është renditur si pjesë e kolanës prestigjoze të botimeve “Scripta Manent” dhe përmban një parathënie nga studiuesja e mirënjohur, Prof. Dr. Nevila Nika

Romani, i cili është i një lloji të veçantë të romanit historik paraqet një sfidë më vete për lexuesin. Edhe pse libri duket si një roman i krijuar enkas për të sfiduar historiografët, penës së autorit nuk i mungojnë edhe përshkrimet e bukura dhe plot kolorit që tregojnë dyzimin e tij mes të qenit sa historian, po aq edhe shkrimtar.

LEXONI GJITHASHTU:

• Autori irlandez Paul Lynch fiton çmimin “Booker” me romanin “Kënga e Profetit”
• “Albania Letteraria”- Shkrimtarja italiane: I kushtohet letërsisë shqiptare