Kritikja dhe shkrimtarja italiane, Ana Lattanzi, është shprehur se “Albania Letteraria” është një hapsirë që i kushtohet letërsisë shqiptare.
Komentet Lattanzi i bëri gjatë një interviste në Euronews Albania, ku tha se me kalimin e kohës kjo ‘organizatë’ e ka zgjeruar aktivitetin e saj.
Ajo shtoi se tani “Albania Letteraria” jep informacione dhe udhëzon lexuesit drejt librave më interesant.
“Mund të themi se kishim shumë risi këtë vit. Me rastin e panairit të gjithë prodhojnë diçka të re, edhe për t’u promovuar. Më pëlqen të citoj librin fitues të Mira Meksit. U kënaqa shumë për këtë vendim të jurisë. Është shkrimi, lloji i shkrimit, shkrim elegant. Cilat do të jenë mbresat dhe rezultatet, do ta shohim me kalimin e kohës.
Atëherë ‘Albania Letraria’ është një reviztë në Itali që i kushtohet letërsisë shqiptare. Ka lindur nga një ide e drejtorit Olti Buzi që donte ta krijonte si një risi brenda një portali, që donte të jepte idenë e librave të botuar në Itali, të autorëve shqiptarë të përkthyer, të autorëve shqiptarë që jetojnë në Itali dhe të huajve.
Por në një moment të caktuar menduam pse të mos i jepnim një kuadër më të plotë. Drejtohet lexuesi drejt librave më interesantë. Filluam të organizonim evente, ngjarje, prezantime. Pra Albania Letteraria ka marrë formën që ka sot. Japim informacione dhe udhëzohen lezuesit drejt librave më interesant.
Do të doja të theksoja se kjo bëhet me forcat tona, është një bashkëpunim që bëhet në formë vullnetare. Ky rrjet u krijua me shoqatat shqiptare, kemi një marrëdhënie të shkëlqyer me Konsullatën shqiptare në Itali. Pra vendosëm t’i jepnim një kuadër shumë më të plotë, prandaj ‘Albania Letteraria’ ka marrë formën që ka sot”, është shprehur Lattanzi.
LEXONI GJITHASHTU:
- Basha në Panairin e Librit: Më bëhet zemra mal kur shoh të rinj që lexojnë
- Nis panairi i 26 i librit në Tiranë! Libra të rinj, autorë e përkthyes të pranishëm