Ish-futbollisti Andrea Marko ka bërë një analizë të Kombëtares shqiptare, para ndeshjes që pritet të zhvillojë me Spanjën.
Marko tha në një lidhje për “Euronews Albania” se Silvinjo do të duhet të qëndrojë një natë pa gjumë, për të bërë formacionin për ndeshjen e ardhshme.
Ai tha se ishte për Brojën dhe Hoxhën në sulm, për një ndeshje agresive dhe shtoi se Hasani dhe Mihaj janë disi të konsumuar.
“Për ndeshjen e djeshme dua të them se pjesa e dytë pati një tablo tjetër. Sepse skuadra jonë i është referuar pjesës së ruajtjes së rezultatit. Nëse minutat do kalonin deri në minutën 80 pa shënuar gol, atëherë janë skema të njohura që lojtarët vonojnë lojën. Nuk ia arritën dot këtij momenti.
Nuk besoj se dy ndërrimet e para ishin shumë efektive. Besoj se 5 minutat e fundit ishin shumë efektive, ku skuadra jonë u hodh komplet në sulm dhe pati besim shumë të madh për të arritur një rezultat i dëshituar nga shumë dashamirës të futbollit. Një ndeshje ku u prodhuan të treja rezultatet brenda 90 minutave.
Me pjesën e Spanjës besoj se mund të ketë ndryshime. Unë e pash edhe Mihën, pavarësisht se ai luan mirë, ka konsum. Hasani ka konsum sepse i mungojnë minutat në këmbë. Do të isha për Brojën në majën e sulmit ndaj Spanjës. Do të isha për Hoxhën në sulm, do të isha për Hoxhën në sulm nëse do t’i duhet të luajë nga minuta e parë, nëse duhet të jemi agresiv.
Sepse kjo ndeshja Itali-Spanjë mund të na vendosë në këndvështrime të tjera për ta analizuar ndeshjen. Për ndeshjen me Spanjën, Silvinjo nuk do flejë 24 orë, ai e analizon çdo lojëtar me imtësi, analizon ndeshjen e kundërshtarit. Dhe ai do të mbetet i pagjumë për të bërë formacionin dhe unë besoj se do të jetë formacioni më i mirë”, tha Marko.
LEXONI GJITHASHTU:
- Euro 2024 | Kroaci-Shqipëri 2-1, përmbyset rezultati
- Mbappe dërgohet me urgjencë në spital pas lëndimit në Euro 2024