Perëndimi duhet të veprojë sot! Kështu deklaroi këshilltari presidencial i Ukrainës, Mykhailo Podolyak.

Podolyak tha se në Evropë ka nisur, sipas tij, një luftë e plotë e në shkallë të gjerë.

“Rusia po sulmon jo vetëm Ukrainën, por të gjithë rregullat e jetës normale në botën moderne. Çfarë do të mbetet nga sistemi i sigurisë në kontinent? Zero”, u shpreh Podolyak.

Ai tha se gjëja kryesore është mbrojtja, sa të jetë e mundur, e qytetarëve të vendit.

“Por Ukraina ka nevojë për më shumë mbështetje nga bota dhe këtë herë është shumë specifike — mbështetje ushtarako-teknike dhe financiare, sanksione të ashpra kundër Rusisë. Perëndimi duhet të veprojë sot”, u shpreh Podolyak.

Rusia po sulmon ushtarakisht Ukrainën që prej mëngjesit të së enjtes. Prej sulmeve kanë humbur jetën dhjetëra njerëz.