Përfshihet nga flakët makina në Gjirokastër, shoferi braktis automjetin

Një automjet ka përfshirë nga flakët ndërsa udhëtonte në zonën e Gjirokastrës, duke u djegur plotësisht, ndërsa drejtuesi i tij është larguar në kohë dhe ka shpëtuar pa lëndime.

Ngjarja ka ndodhur mbasditen e sotme, kur makina tip “Ford” po udhëtonte nga fshati Dhoksat, Njësia Administrative Lunxhëri, në drejtim të qytetit të Gjirokastrës.

Sipas informacioneve të para, ndërsa makina ishte në lëvizje, flakët kanë përfshirë menjëherë automjetin, duke u përhapur shpejt në të gjithë pjesët e tij. Drejtuesi ka braktisur automjetin menjëherë, duke u larguar me shpejtësi për të shmangur rrezikun.

Shërbimet zjarrfikëse kanë ndërhyrë për të shuar flakët, por makina ka pësuar dëme të mëdha dhe është djegur plotësisht. Dyshohet se shkëndija në rrjetin elektrik të automjetit mund të ketë qenë shkaku i zjarrit.

LEXONI GJITHASHTU:

• Zjarr pranë godinës së Bashkisë Elbasan, shkak dyshohet një bombol gazi
• Zjarr i fuqishëm në një gomisteri në Durrës, ndërpritet energjia elektrike në zonë