Koncesioni për pullat fiskale dhe ai i markimit të karburanteve, do të përfundojnë së shpejti.

Në lidhje me këtë zhvillim, nga foltorja e Kuvendit, deputeti socialist Erion Braçe bëri dhe një përllogaritje të shumës që kanë paguar qytetarët shqiptarë për 11 vite për këto dy koncesione.

Braçe tha se qytetarët kanë paguar 4 mln euro në vit, për 11 vite për markimin e karburanteve, ndërkohë që për pullat fiskale kanë paguar 5 milionë euro në vit, dhe në 11 vite shuma shkon në 55 milionë euro. Sipas tij në total janë paguar 99 milionë euro, të cilat nuk janë dhënë nga buxheti i shtetit, por janë paguar drejtpërdrejtë nga qytetarët.

“E dini sa paguajnë shqiptarët. Ky i pullave fiskale, i kushtonte qytetarëve, atyre që konsumonin produktet akcize, 4 milion euro në vit, në 11 vite, 44 milion euro. Ky i markimit të karburanteve u ka kushtuar 5 milion euro në vit, në 11 vite, 55 milion euro. Të dyja bashkë bëjnë 99 milion euro, e deri në 100, sepse ka pasur periudha që është paguar edhe më shumë. Këto nuk i ka paguar qeveria, nuk kanë dalë nga Buxheti i Shtetit për koncensionarin, por i kanë paguar drejtpërdrejt qytetarët sa herë kanë blerë karburant e produkte akcize që kishin të vendosur pullën fiskale. Kjo është, të dyja kontratat kanë pasur detyrime të rëndësishme, mbi të gjitha gjurmimin e produkteve të akcizës dhe të karburanteve”, tha Braçe.

Kujtojmë se Koncesioni për markimin e karburanteve do të mbyllet në muajin gusht dhe tarifa e vendosur nga koncensionari do të hiqet. Ndërkohë që koncensioni i pullave fiskale përfundon në 1 janar 2025.

LEXONI GJITHASHTU:

• Arrihet marrëveshja PS-PD për “Zgjedhoren”, Euronews Albania siguron tekstin e plotë
• “Tym i bardhë për ‘Zgjedhoren’”, marrëveshja PS-PD: Ja si do zgjidhen deputetët