“Përgjegjësinë e merr opozita”, Xhafaj përplaset me Baçin për protestën

Deputeti i PD Luan Baçi është përplasur me  deputetin Etjen Xhafaj për protestën e opozitës që do të zhvillohet më datë 6 dhjetor.

Në një intervistë për Euronews Albania, Baçi tha se ndërkombëtarët atë ditë do të jenë më të sigurt se kurrë, ndërkohë Xhafaj i është kundërvënë duke i thënë se kjo nuk mund të garantohet.

Më tej Baçi i është drejtuar duke i thënë që ai të merret me korrupsionin dhe me shpopullimin që i bëhet Shqipërisë.

Pjesë nga debati:

Luan Baçi: Për protestë nuk ka nevojë për leje. Për protesta bëhet një njoftim në polici, caktohet vendi dhe ora ku do të zhvillohet protesta.

Etjen Xhafaj: Ka perimetër sigurie

Luan Baçi: Liderët evropianë, do të jenë më të sigurt se kurrë.

Etjen Xhafaj: Si mund të garantohet kjo. Nuk e garantojnë institucionet në këtë rast sigurinë e ndërkombëtarëve, përsipër përgjegjësinë e merr opozita.

Luan Baçi: Kur lozet me fjalë, lozet me pak finesë e jo kështu. Nuk thashë se i garanton opozita, por me daljen e opozitës është një shtesë për sigurinë.

Etjen Xhafaj: Ju e dini mirë se nuk garantohet.

Luan Baçi: Ju mos u shqetësoheni fare, ju shqetësohuni për atë pjesë tuajën të korrupsionit, të shpopullimit dhe të gjithë problematikat që po përballen qytetarët.  Po përpiqeni të instaloni një diktaturë me një opozitë fallso të emëruar.

Etjen Xhafaj: Të emëruar dhe të falsifikuar nga ju.

LEXONI GJITHASHTU: 

• Mes bombave dhe rrënojave, vijojnë luftimet në Donetsk dhe Kherson
• Milaim Zeka: Pse do u kërkoja falje shqiptarëve nëse do isha deputet i PD-së