Përjashtimi i Berishës, Açka: Basha e mbajti peshën i vetëm të mos ‘infektonte’ demokratët e thjeshtë

Flutura Açka kryeson Komisionin e Apelimit për çështjen Berisha, përjashtimin e të cilit e ka konsideruar vendim radikal dhe delikat që ndodhi në minutën e fundit.

Ajo theksoi se ishte kryedemokrati Basha i cili e mbajti gjithë peshën e vendimit i vetëm sepse nëse do të përfshiheshin të gjithë në proces do të ndikonin edhe te demokratët e thjeshtë.

“Përpiqem të kuptoj se pse zoti Basha e mbajti i vetëm këtë vendim. Duhej ta mbante i vetëm sepse ne të tjerët do të përfshiheshim, në një farë mënyre “do të infektoheshim” dhe do të ndikonim dhe demokratët e thjeshtë nëse do të bëheshim pjesë e procesit,” – u shpreh ajo.

Nëse çështja vjen në dorën e saj, Açka u shpreh se do e ketë të vështirë duke qenë se nga jashtë e ka admiruar figurën e Berishës, ndërsa brenda politike i takon ta gjykojë.

“Nuk e di çfarë rruge do të ndjekë zoti Berisha sepse ai i ka thënë publike gjërat e tij. Ajo që unë di të them është që nëse do të vijë fjala për komisionin të cilin drejtoj unë  çdo gjë do të jetë transparente, deri në fund, në respekt të çdo demokrati, në respekt të çdo simpatizanti dhe në respekt të procesit,” – u shpreh ajo.

LEXONI GJITHASHTU: 

• ‘Rama mund të blejë Bashën, por jo PD-në’, Berisha pritet me ovacione para Kuvendit
• Berisha për Euronews Albania: Aksioni do vazhdojë, me Lulin s’ka fitore, vetëm pazare
• Dy rrugët që mund të ndjekë Berisha për të kundërshtuar vendimin e Bashës