Ka nisur me përplasje protesta e Partisë Demokratike dhe opozitës pasditen e së martës në Tiranë.
- Advertisement -
Policia ka përdorur një autobot me ujë për të shpërndarë protestuesit në zonën e bashkisë së Tiranës, të cilët kishin bllokuar qarkullimin e automjeteve në këtë zona, ashti si edhe në disa rrugë kyçe brenda Unazës së Vogël.
Protestuesit dhe deputetë e PD janë përplasur dhe janë përleshur fizikisht me policinë në akset rrugore të bllokuara prej tyre, te zona e Zogut të Zi, Pallatit me Shigjeta, rrugën e Elbasanit dhe sheshin Uillson.
Policia iu ka kërkuar protestuesve të mos bllokojnë qarkullimin e automjeteve, çka ka çuar në përplasje fizike mes tyre.
