Përnaska: Partia Demokratike e ka humbur besimin te qytetarët

Ish-deputetja e PD-së, Lajla Përnaska, e ftuar në emisionin “Good Morning Albanias”, në Euronews Albania, tha se Partia Demokratike e ka humbur besimin te qytetarët.

Lajla u shpreh se PD është e pa orientuar dhe sipas saj kriza e brendshme e pengon këtë parti për të qenë përfaqësuesja e të djathtës shqiptare.

“PD-në e shoh një parti të paorientuar si duhet dhe në një krizë të brendshme për të qenë përfaqësuesja kryesore për të mbledhur energjinë e së djathtës shqiptare. Historia ka provuar se kjo e djathtë mban kapacitete fantastike për t’u bërë një alternative qeverisëse edhe në këtë vend.

E djathta ka brenda vetes të gjithë atë formulën e bashkëpunimit dhe bashkimit të të gjitha forcave, përpjekjeve e energjive që ajo të dalë dhe të shpalosë vlerat e saj një garë të hapur. PD është një armatë e madhe njerëzish. Partia Demokratike duhet të rikthejë raportin e besimit me qytetarin që e ka të humbur”- tha ajo.

LEXONI GJITHASHTU:

• Fitorja e Melonit, Tritan Shehu: Nuk shoh diferencë mes gruas dhe burrit në politikë
• Fitorja e Melonit, Tritan Shehu: Nuk shoh diferencë mes gruas dhe burrit në politikë