Përplasjet| Açka: S’mund të pranoj gjykimin e atyre që diploma u vjen era barut

Deputetja e Partisë Demokratike, Flutura Açka, ka reaguar lidhur me përplasjet e ditës së sotme në Komisionin e Medias, mes saj dhe Gazment Bardhit e Flamur Nokës.

Përmes një postimi në Facebook, Açka thotë se nuk mund të pranojë gjykimin politik të atyre që sipas saj, u mbajnë diplomat era barut Gërdeci.

Ajo tha gjithashtu se deputetët e grupit të “Rithemelimit” duhet të përballen vetë me kryedemokratin Lulzim Basha, nëse kanë pengje personale me të.

Postimi i Açkës:

Unë mund të pranoj gjykim politik prej kujtdo, por jo prej çyrëve që iu mbajnë diplomat era barut Gërdeci.

Unë kam zot vetëm Zotin.

Dhe Ai më shtyn të them e të bëj atë që ndiej e besoj se është e drejta.

Kjo është e panegociueshme.

Nëse keni pengje personale me Lulzim Bashën, përballuni me të vetë, ndershmërisht.

LEXONI GJITHASHTU:

• U përplas me deputetët e PD, Açka: Keqardhje për kolegët që prishin seancat
• Mungoi në Konferencën e Kryetarëve, reagon ashpër Flutura Açka: Askush s’më njoftoi