Përurohet parku fotovoltaik në Karavasta, më i madhi në rajon

Në Karavasta është ndërtuar parku më i madh fotovoltaik në Ballkanin Perëndimor. E pranishme në ceremoninë e përurimit të këtij investimi, zëvendëskryeministrja, Belinda Balluku tha se ky investim në sektorin energjetik, është dëshmi suksesi, që do të pasohet nga një tjetër park në Spitallë.

“Ky park mbart një sërë vlerash, është dhe parku më i madh fotovoltaik në Ballkan. Kemi arritur një çmim rekord. “Voltalia” për ne është një shembull i investimeve të huaja të suksesshme që zhvillohen në vendin tonë dhe në sektorin e energjetikës”, tha Balluku.

Edhe përfaqësuesja e BERZH, vlerësoi punën për e bërë për diversifikimin dhe rritjen e prodhimit të energjisë në vend, duke thënë se projekte të tilla do të gjejnë mbështetje.

“Është një projekt i ndërtuar me standardet më të larta mjedisore. Ne në BERZH kemi pranuar urgjencën për tranzicionin e energjisë, prandaj i kemi dhënë përparësi financimit të energjisë së rinovueshme”, tha ajo.

Parku fotovolatik i Karavastasë ka një fuqi të instaluar prej 140 MW, dhe sipas marrëveshjes së nënshkruar me shtetin shqiptar, kompania Voltalia, do ta shesë energjinë elektrike me një çmim fiks prej 24.89 euro/mWh për 15 vjet.

LEXONI GJITHASHTU:

• Shembja e çatisë së një klubi nate domenikane, numri i viktimave arrin në 200
• E rëndë në Gjermani| Shqiptari qëllon 5 herë me thikë gruan në sy të djalit 7-vjeçar