Petrit Vasili përjashtohet për 5 ditë nga Kuvendi

Deputeti Petrit Vasili është përjashtuar për 5 ditë nga Kuvendi pasi i është drejtuar me fjalë fyese kreut të Grupit Parlamentar të PS, Taulant Balla.

Ky vendim është marrë nga Sekretariati për Procedurat, Votimet dhe Etikën në drejtimin e Klotilda Bushka.

“Në zbatim të nenit 63 pika ç dhe nenit 65/1 të Rregullores së Kuvendit, Sekretariati vendosi me 3 vota Pro, marrjen e masës disiplinore “Përjashtim nga pjesëmarrja në komisione dhe në seancë plenare për 5 (pesë) ditë” për deputetin z. Petrit Vasili”- thuhet në njoftim.

Vasili është përplasur me Ballën lidhur me nenin që përcakton minutazhin për të folur në parlament për secilin deputet.

Deputeti i PL i është kthyer me fjalë fyese Ballës, teksa ky i fundit i ka sugjeruar të lexojë më mirë rregulloren.

Vasili: Boll i gënjyem qytetarët. Neni 28 nuk thotë ashtu.

Balla: Lexoje, lexoje mirë.

Vasili: O skizofren, na lër të lexojmë, mos bëj si idiot.

“Debati është vetëm për kohën e deputetëve, 48 pika 3: Kur ka dakordësi të të gjithë grupeve parlamentare për kohën. Kjo do të thotë: vendosje e njëanshme e kohës nga grupi i PS, pra vendosin ata si të duan, ndaj 48 pika 3 jep gjithmonë kur ka dakordësi të madhe nga të gjitha palët, se bëhet fjalë për garantimin e të drejtave që nuk i privatizon dot një grup parlamentar”, tha Vasili.

LEXONI GJITHASHTU: 

• Degjeneron debati në Kuvend| Balla i kujton rregulloren, Vasili: O skizofren
• ‘Je porositës i vrasjeve’, Berisha-Ballës: S’ke vend në Parlament, shko në Prokurori
• “Sa apartamente të humbën ku ishe në bashki?”, Berisha debat me Shalsin