Petro Koçi: Bashkëpunëtorët e sigurimit kanë qenë përherë te opozita

Deputeti i Partisë Socialiste, Petro Koçi tha për “Now” me Erla Mëhillin se në përgjithësi ish-bashkëpunëtorët e Sigurimit të Shtetit kanë qenë te opozita.

Ai kujtoi se asokohe quheshin zyrtarë të Sigurimit të Shtetit.

“Individët që janë peng i një rasti të tillë janë të prirur që të përdoren nga të tjerët në procesin politik, në qeverisje apo në ligjbërje,” – u shpreh deputeti.

Koçi komentoi se komisionet Bezhani dhe Mezini janë ngritur me konsensus në vitin 96’ dhe 98’ dhe e vetmja pengesë është ndërhyrja ne ligj që pengonte që Autoriteti i Dosjeve të shqyrtonte rastet e atyre që e kanë kaluar Komisionin Bezhani apo Mezini.

Në themel të çështjes nuk ka ndryshuar asgjë, sipas tij.

LEXONI GJITHASHTU:

• Meta për padinë ndaj ‘Dosjeve’: SPAK ia ka kaluar për kompetencë Prokurorisë