Petro Koçi: Dritan Leli nuk u ftua që të merrte pjesë në fushatën e PS-së

Deputeti i Partisë Socialiste, Petro Koçi u shpreh në një intervistë për Euronews Albania se kreu i Bashkisë Vlorë, Dritan Leli nuk u ftua që të merrte pjesë në fushatën e PS-së në këtë qark.

“Gjykimi mbi mënyrën sesi ka qeverisur zoti Leli, është bërë shumë më herët sesa ky pragu zgjedhor ku fillojnë dhe diskutojnë edhe emrat e kandidatëve. Kjo lloj situate nuk ka lidhje me këtë fenomen që ka ndodhur shumë më herët se para zgjedhjeve politike. Z.Leli nuk u ftua të ishte pjesë e fushatës së PS-së, aty përgjegjësit politikë janë ndërruar disa herë”, u shpreh deputeti.

Ai komentoi edhe largimet e Arben Ahemtajt nga postet në qeveri.

“Rasti i zotit Ahemtaj nuk lidhet me faktin që ai ishte përgjegjës politik në Vlorë, por me pozicionin që kishte në qeveri. Në momentin që u bënë ndryshime në qeveri, vetëm për këtë çështje mund të kishte një lloj debati, atëherë humbet edhe vendi i drejtuesit politik të qarkut”, tha ai më tej.

LEXONI GJITHASHTU:

• “490 mln lekë shtesë për Presidencën”, Kali: Për rikonstruktim dhe shtim punonjësish
• Presidenca çeke tregon hapat e vendimmarrjes për vizat-gjithçka nis më 13 tetor
• Begaj në Prishtinë: Liberalizimi i vizave për Kosovën, premtim i vonuar