A duhet ngrënë veza apo jo? Pas deklaratës së djeshme në emisionin GoodMorning Albanians të nutricionistit Ylli Gramatiku, shumë njerëzve mund edhe t’ju kenë lindur dyshime. Ai tha se është e dëmshme dhe ndaj edhe ai vetë e ka eliminuar nga dieta ushqimore.
Abdyl Sinani, ekspert i industrisë ushqimore tha në Euronews Albania se vetëm 3,6 për qind e popullatës në botë janë intolerantë ndaj laktozës, pjesa tjetër duhet ta konsumojnë edhe vezën, edhe qumështin, edhe mishin si produkte bazë për organizmin.
“Qumështi, veza dhe mishi janë baza se kanë aminoacidet e pazëvendësueshme që bëjnë proteinat. Tek fëmijët nevoja për qumësht është më e madhe dhe pastaj vjen në mënyrë graduale. Një njëri duhet të pijë 300 ml qumësht në ditë, kjo është e nevojshme për organizmin. Dhe kur themi ne të hamë një vezë dhe qumësht, këtë e shoqërojmë me produkte të tjera, patate spinaq që plotësojnë njëra-tjetrën”, tha eksperti.
LEXONI GJITHASHTU:
- “Mos hani vezë, sjell sëmundje të rënda” – Çfarë i ndodhi nutricionistit 70 vjeçar…
- Kush lindi e para, pula apo veza? Inteligjenca artificiale i jep fund dilemave!
