“Plaçka e vjedhur, të kthehet!” Berisha thirrje opozitarëve: Vazhdojmë misionin

Kryetari i Partisë Demokratike Sali Berisha tha këtë të mërkurë në një konferencë me mediat se asnjë fuqi politike nuk mund ta fshehë se zgjedhjet u grabitën.

Ai ftoi të gjithë demokratët dhe opozitarët që të bashkohen në misionin për mbrojtjen e votës së lirë.

“Ftoj demokratët dhe mbarë opozitarët të vazhdojmë këtë mision, si misioni it ë gjitha misioneve të një opozite, mbrojtjen dhe rikthimin e një vote të lirë. Asnjë fuqi politike nuk do mund të fshehë të vërtetat e shëmtuara të grabitjes së zgjedhjeve nga narko-regjimi i Edi Ramës.

Ata të cilët injorojnë se këto zgjedhje u grabitën dhe u plaçkitën në mënyrën më kriminale do të zhgënjehen më vona kur ne të kemi faktuar para çdo qytetari dhe në çdo qytet të Europës dhe të botës shëmtinë e kësaj farsë elektorale”,-tha Berisha.

LEXONI GJITHASHTU:

• Berisha ashpërson tonet: Po përgatitim një luftë të fuqishme për mbrojtjen e votës
• A duhet të dorëhiqet Berisha? Xhaferri: Mandati i mbaron në 2026, deri atëherë…