Plagoset me kmesë 29-vjeçari në Malësinë e Madhe, arrestohet i moshuari

Një 69-vjeçar në Malësi të Madhe ka rënë në prangat e Policisë, pasi plagosi me mjet prerës (kmesë) një tjetër shtetas.

Përmes një njoftimi Policia bën të ditur se i plagosuri është një 29-vjeçar, ndërkohë që në cilësinë e provës materiale u sekuestrua mjeti prerës.

Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Njoftimi i Policisë:

Malësi e Madhe-Plagosi me mjet prerës (kmesë), një shtetas, për motive të dobëta, kapet dhe vihet në pranga 69-vjeçari.

Shërbimet e Komisariatit të Policisë Malësi e Madhe, menjëherë pas marrjes së njoftimit mbrëmjen e djeshme, se ishte plagosur me mjet prerës, një shtetas, kanë organizuar punën për kapjen e autorit dhe sqarimin e rrethanave të rastit. Si rezultat i kërkimeve, u bë e mundur kapja dhe arrestimi në flagrancë i autorit të dyshuar, shtetasit:

Gj. P., 69 vjeç, banues në fshatin Vukpalaj.

Ky shtetas dyshohet se më datë 14.07.2024, rreth orës 21:30, në fshatin Vukpalaj, pas një konflikti të çastit, për motive të dobëta, ka goditur me mjet prerës (kmesë), shtetasin A. P., 29 vjeç, banues në fshatin Vukpalaj, i cili është jashtë rrezikut për jetën.

Mjeti prerës (kmesë) u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• Plagosi 2 persona dhe vrau 24-vjeçarin, kush është autori i ngjarjes në Tropojë
• Rrëshqitje dheu në një strehë turistike sllovake, dy të vdekur, 4 të plagosur