Plagosi me armë 56-vjeçarin një ditë më parë, policia identifikon dhe shpall në kërkim autorin

Pas ngjarjes së ndodhur ditën e djeshme, ku nga konflikti i dy personave mbeti i plagosur Ilirjan Dosti, këtë të shtunë policia ka identifikuar dhe ka shpallur në kërkim autorin e ngjarjes.

Sipas njoftimit të policisë, është shpallur në kërkim shtetasi Astrit Dautaj, 53 vjeç, i cili ditën e djeshme në një lokal në rrugën “Imer Ndregjoni”, në gjendje të dehur, plagosi me armë zjarri Ilirjan Dostin.

 “Në vijim të njoftimit paraprak të dhënë dje, në lidhje me plagosjen me armë zjarri të shtetasit Ilirjan Dostit, 56 vjeç, në një lokal në rrugën “Imer Ndregjoni”, specialistët e Seksionit për Hetimin e Krimeve të Rënda, në bashkëpunim me Komisariatin e Policisë Nr. 4, identifikuan dhe shpallën në kërkim Astrit Dautaj 53 vjeç, si autor të dyshuar të plagosjes.

Punohet për kapjen e tij dhe dokumentimin e plotë të rastit”, thuhet në njoftimin e policisë.