Plagosja e kushëririt të kryetarit të Bashkisë Kukës, arrestohen tre persona

Tre persona janë arrestuar në lidhje me plagosjen e Elvis Halilajt, kushëririt të kryebashkiakut të Kukësit, Albert Halilaj.

Arrestimet janë kryer nga Prokuroria pranë Gjykatës së Shkallës së Parë të Juridiksionit të Përgjithshëm, në bashkëpunim me forcat operacionale të Drejtorisë së Përgjithshme të Policisë së Shtetit.

Mes të arrestuarve është edhe Zenel Muçmata, Drejtor i Drejtorisë së Shërbimit Publik në Bashkinë Kukës, i cili akuzohet për “Vrasje me paramendim” të mbetur në tentativë dhe “Armëmbajtje pa leje”. Për të ishte caktuar më herët masa e arrestit në burg në mungesë.

Në pranga kanë rënë edhe dy persona të tjerë:

• G.P., i dyshuar për veprën penale “Përkrahje e autorit të dyshuar për një krim”.
• E.A., i dyshuar për të njëjtën vepër penale.

Ky operacion është në vijim të hetimeve të plagosjes së ndodhur më 19.02.2025 në qytetin e Kukësit, ku shtetasi E.H. mbeti i plagosur me armë zjarri pas një konflikti. Pas kësaj ngjarjeje ndaj shtetasit Z.M. ishte caktuar masa e arrestit në burg në mungesë.

LEXONI GJITHASHTU:

Plagosja në Kukës, Shalsi shkarkon nga detyra kryetarin e PS-së Albert Halilaj

• Drejtori i bashkisë qëlloi kushëririn e kryebashkiakut, detaje nga plagosja në Kukës