“Plazhi i Vjetër” në Vlorë i tejndotur, kanalet e ujërave të zeza derdhen në det

Vetëm 2 minuta larg qendrës së qytetit bregdetar ndodhet rruga ‘Yzeri Skendaj’ dhe një kanal i ujërave të zeza i cili derdhet në det.

Banorët ankohen vazhdimisht për ndotjen e shkaktuar prej vitesh.

“Pislleku më i madh që është, shkarkohen direkt banjat e pallatit e të disa shtëpive drejt e këtu, mushkonja, miza, era”, tha një grua.

“S’ka nevojë për koment, kryesore është kanali, është për të vënë duart në kokë”, tha një tjetër i intervistuar.

“Vin turisti këtu ikën me vrap”, tha një i intervistuar.

Në afërsi të Portit, Plazhi i Vjetër në Vlorë një pikë turistike në zhvillim, ndotet prej dekadash nga derdhja e ujërave të zeza, ku përveç shëndetit të vendasve, lë një impakt negativ në turizëm duke tërhequr edhe vëmendjen e të huajve.

“Uji shumë i pisët, kjo me siguri shkon në det”, tha një shtetas italian.

Ky kanal i ujërave të zeza përshkon 40 banesa në lagjen Kume të Vlorës, ndërsa ndotja që krijohet përgjatë vijës bregdetare vihet re edhe me sy të lirë.

LEXONI GJITHASHTU:

• Gomonia e dyshuar për trafik droge braktiset në plazhin e Vlorës
• Nis pastrimi i plazheve në Vlorë, pushuesit kërkojnë më shumë hapësira publike