“Po flet si militant”, gazetarët përplasen për situatën në PD

Genc Burimi dhe Reldar Deda u përplasën në një intervistë për Euronews Albania.

Sipas Dedës është e qartë se është paguar në mënyrë që të goditet alternativa në Shqipëri, konkretisht kreu i Partisë Demokratike, Lulzim Basha.

“Nëse asgjë s’ka bërë Lulzim Basha në jetën e tij politike, ama bëri një akt në fund. E drejtoi gishtin drejtpërdrejt, akuzoi trekëndëshin e Bermudës si e keqja më e madhe e këtij vendi. Historia po tregon se ky trekëndësh po e mban peng prosperitetin dhe integrimin e Shqipërisë në Bashkimin Europian,” – u shpreh Deda.

Kjo deklaratë u pa nga Burimi si një deklaratë militanti.

“Reldari flet si militant, flet si i pasionuar. Them flet si militant në kuptimin që ndan të këqijtë dhe të mirët, unë flas në bazë të shtetit të së drejtës. Në një shtet të së drejtës nuk e vlerësojmë as ti, as unë, kush është i miri apo i keqi, e vlerëson vota. Problemi është që kur drejtësia nuk funksionon, edhe vota nuk funksionon,” – u shpreh Burimi.