“Po ndani Shqipërinë në llokma”, Kaso kritika Ramës për “investimet strategjike”

Kuvendi miratoi sot me shumicë të thjeshtë votash ligjin për investimet strategjike.

Ligji për Investimet Strategjike u miratua në vitin 2015 si një ligj i përkohshëm dhe pasi afati u zgjat disa herë, i mbaroi efektet e tij në dhjetor 2023.

Sekretari për çështjet ligjore pranë Rithemelimit, Ivi Kaso tha në emisionin Now në Euronews Albania se ligji për investimet strategjike kaloi pa kuorumin e nevojshëm.

“Në momentin që është çelur seanca një pjesë e deputetëve të mazhorancës që duhet të krijon kuorumin nuk kanë qenë, nuk ka qenë më shumë së 70 deputetë të pranishëm që seanca të çelej në mënyrë të ligjshme, kjo i është bërë me dije në mënyrë shkresore kryetares së kuvendit, duke nënvijëzuar se kur kjo ndodh në mes të ditës, në sy të kamerave, imagjinoni çfarë ndodh në errësirën e vendimeve të qeverisë, të mbledhjeve të komunitetit të investimeve strategjike që synim kryesor kanë ndarjen e Shqipërisë në llokma për pushtetarët dhe miqtë e tyre”, tha Kaso.

LEXONI GJITHASHTU:

• Ligji për investimet strategjike, ekonomia miraton shtyrjen deri në fund të 2024
• BSH: Leku do forcohet, turizmi dhe investimet e huaja ndikojnë në kursin e këmbimit