“Po të ishte turbo folk do çahej salla”, Zaloshnja debat me Cikon dhe Lakon

Producenti Erjon Zaloshnja debatoi në emisionin Review me artistin Zhani Ciko dhe kantautorin Bojken Lako lidhur me zgjedhjen e këngës përfaqësuese për në Eurovizion nga publiku.

Zhani Ciko tha se kënda e Albina Kelmendit u këndua nga e gjithë salla që sipas tij është kënaqësia e vërtetë.

Kjo deklaratë solli reagimin e Zaloshnjës i cili u përgjigj me ironi se po të kishte një këngë turbo folk salla do çahej. Sipas tij zgjedhja e këngës fituese nuk i duhet lënë në dorë publikut pasi kjo gjë zhvlerëson jurinë.

Pjesë nga debati:

Zhani Ciko: Kënga e Albinës u këndua nga e gjithë salla.

Erjon Zaloshnja: Unë jam i bindur se po të kishte një këngë turbo folk salla do çahej.

Ciko: Të mos kalojmë në këto nivele. Edhe juria merr parasysh mendimin e publikut.

Zaloshnja: Çfarë kuptimi ka nëse juria bëhet pasqyrë e publikut.

Bojken Lako: Pse ne kush na ka vënë aty në rresht të parë që të mos i dëgjojmë mendimin publikut.

LEXONI GJITHASHTU:

• Formula e re e festivalit, dështim, Zaloshnja: Kënga fituese jo në dorë të publikut
• Zeka: Kënga e Albina Kelmendit jashtëzakonisht e mirë për Eurovizion, po përgojohet