Nëse Rusia do të kishte armë më të mira, njësoj si ato që ka përdorur Rusia, kjo luftë do të kishte marrë fund tashmë.

Ky është konstatimi i presidentit ukrainas Volodimir Zelenski. Në një videomesazh të orëve të vona të natës, Zelenski u shpreh se “në të gjitha intervistat dhe negociatat e mia me liderët e botës demokratike, është e padrejtë që Ukraina është ende e detyruar të kërkojë atë që partnerët e saj kanë ruajtur prej vitesh”.

Sipas tij është detyra morale e këtyre vendeve që nëse i kanë armët të ndihmojnë, jo vetëm në shenjë solidariteti, por dhe për të mbrojtur jetët e ukrainasve të pafajshëm.

Ai shtoi më tej se nëse vendi i tij merr armët që i janë premtuar në javët e ardhshme, do të shpëtojë jetën e mijëra njerëzve. Presidenti Zelenski shtoi se intensiteti i të shtënave ruse në Kharkiv, në Donbas dhe në rajonin e Dnipropetrovsk është rritur, madje duke synuar strukturat civile.

“Fati i dhjetëra mijëra banorëve të Mariupolit që u zhvendosën në territoret e kontrolluara nga Rusia nuk dihet”, tha Zelensky.

Ndërkohë ministria e Mbrojtjes së Rusisë ka vënë ultimatum të mërkurën që trupat ukrainase në qytetin e rrethuar të Mariupolit të dorëzojnë armët.

LEXONI GJITHASHTU:

• Ngjarjet më të fundit në Ukrainë
• Rusia u jep ultimatum mbrojtësve të Mariupolit: Dorëzoni armët të mërkurën