Pogradeci, kryeqendra e sportit| Në 2024 kampionati botëror i Formula1 H2O

Shqipëria ka arritur të sigurojë kampionatin botëror të Formula 1 në ujë për vitin e ardhshëm, ndërsa i gjithë kompeticioni do të zhvillohet në qytetin e Pogradecit. Vendi ynë ka firmosur marrëveshjen me përfaqësues të këtij kompeticioni i cili do të zhvillohet në muajin korrik. Jo vetëm në aspektin sportive, por F1H2O pritet të ketë një ndikim të drejtpërdrejt edhe në turizmin dhe ekonominë e vendit.

F1 H2O i ka fillesat në vitin 1981, ndërsa vit pas viti ka fituar popullaritet në botë. Padyshim cilësohet si një ndër sportet më spektakolare dhe emocionuese, por natyrisht dhe më të rrezikshmet. Në sezonin e fundit marrin pjesë 10 skuadra, të përfaqësuara nga 20 garues. Mesatarisht një garë e kampionatit botëror të Formula 1 në ujë zgjat rreth 45 minuta, ndërsa mjetet lundruese arrijnë një shpejtësi mbi 200 km në orë.

Ato garojnë në disiplina të ndara, konkretisht motorët e ujit e në anën tjetër skafet. Vendet organizatore duhet të marrin të gjithë masat, përgjatë gjithë kompeticionit. Kampionati në fjalë është mbajtur në vende të zhvilluara si Italia, Franca, Spanja apo Abu Dabi, ndërsa tanimë është radha e Shqipërisë. Nga 1-7 korrik të 2024-ës, Pogradeci do të jetë kryeqendra e sportit, ku 43 skuadra do të marrin pjesë në F1H2O.

LEXONI GJITHASHTU:

• Kampionatin botëror i Formula 1 në ujë në Pogradec, Rama ndan foton me organizatorët
• Kampionati botëror Formula1 në ujë, mbahet vitin e ardhshëm në Pogradec