English

Polia: Bora në Theth 7 m, të merren masa nga autoritetet për zhbllokimin e rrugëve

KOMENTE

SHPERNDAJE
ARTIKULLIN

Text sizeAa Aa

Pavlin Polia, guidë turistike në një intervistë për emisionin “Good Morning Albanians” në Euronews Albania foli në lidhje me situatën në Theth.

- Advertisement -

Ai tha se rrugët janë bllokuar pasi dëbora ka arritur trashësinë prej 7 metrash.

Më tej ai theksoi se aktualisht nuk ka turistë të mbetur në Theth, ndërsa shtoi se autoritetet duhet të marrin masa për zhbllokimet e rrugëve në mënyrë që kjo zonë të vizitohet dhe dimrit nga turistë.

“Besoj se bora në rrugën e Thethit do të pastrohet për tre ditë. Dëbora ka shkuar rreth 7 metra. Ka pasur rënie orteqeve. Deri më tani nuk ka ndonjë turist që ka ngelur në Theth. Janë lajmëruar nga pronarët e bujtinat. Kemi shprehur shqetësim që duhet të ketë ndërhyrje me disa vende sepse rrezikohet dhe jeta e punëtorëve.

Banorët e zonës zakonisht marrin masa paraprakisht për dimrin pasi e dinë se si është situata në Theth. Kishte ndërprerje të energjisë për dy ditë por që u riparua. Shpresoj që vitin tjetër të merren masa afatgjata dhe turistëve t’u jepet mundësia që edhe në Dimër ta vizitojnë Thethin.”- tha ai.

Polia theksoi se ditën e djeshme në Bogë ka pasur një dyndje të jashtëzakonshme të turistëve lokalë.

LEXONI GJITHASHTU: 

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×