Policia e Kosovës publikon foton e grabitësit në Suharekë: Na ndihmoni ta gjejmë

Policia ka publikuar foton e shtetasit Korab Zeqir Gashit, i cili rezulton i shpallur në kërkim për grabitjen e datës 22 nëntor, ku persona të armatosur vodhën një argjendari dhe në largim e sipër hapën zjarr ndaj policisë.

8 ditë pas ngjarjes së rëndë policia e Kosovës, arrestoi dy prej grabitësve, ndërkohë që një i tretë mbeti i vrarë gjatë shkëmbimit të zjarrit me policinë, ku u plagos dhe një polic.

“Policia e Kosovës është duke hetuar rastin e Grabitjes së Armatosur dhe Plagosjes së Zyrtarit Policor, ndodhur më datë 22.11.2023 në argjendarin në Suharekë.

Lidhur më këtë rast, një person i identifikuar ende është në arrati dhe ndaj të njëjtit është lëshuar urdhër arresti nga organet e drejtësisë.

Personi i cili po kërkohet është Korab Zeqir Gashi, i lindur me 01.03.1982 në Prishtinë, me numër personal 1014599319. Për identifikimin dhe arrestimin e tij kërkojmë bashkëpunimin e të gjithë atyre që kanë informata të rëndësishme”, thuhet në njoftim.

Policia thekson se të gjitha informatat do të trajtohen në mënyrë konfidencale nga ana e Policisë.

“Numrat kontaktues: 192 ose 080019999 ose përmes e-mail adresës elektronike: [email protected]”, nënvizon policia.

LEXONI GJITHASHTU:

• Grabitje me armë zjarri në Kosovë, plagoset një efektiv policie
• “Jemi policia”, detaje nga tentativa e grabitjes me armë në Tiranë